Алматыда жеңіл көлік бағанға соғылып, жанып кетті

Алматыда әл-Фараби даңғылында түнде көлік бағанға соғылып, өртеніп кетті, деп хабарлайды degeneken.kz тілшісі.

Жол апатының видеосы әлеуметтік желіде тарады.

Алматы қалалық Полиция департаментінің мәліметінше, жол апаты 10 маусым күні сағат 03:05 шамасында әл-Фараби даңғылында болған.

Шығыс бағытта келе жатқан BMW көлігі жарнама бағанына соғылып, артынша отқа оранды. Оқиға салдарынан жүргізуші түрлі дене жарақатын алды. Ол – медициналық мекемеге жеткізілді. Аталған деректі Бостандық аудандық полиция басқармасының қызметкерлері тексеріп жатыр, – деді Алматы қалалық полиция департаменті Анықтау басқармасының бастығы, Олжас Шәріпов.