Жаңа оқу жылы алдында барлық ШҚО мектептерінің қауіпсіздігі тексеріледі

Бүгін облыс әкімдігінде өткен кеңес барысында Нұрымбет Сақтағанов өңір мектептерінің қауіпсіздігін тексеруге тапсырма берді. Айта кету керек, “Жайлы мектеп” ұлттық жобасы аясында салынып жатқан оқу орындарының саны бойынша өңір көшбасшы болып табылады. Бұл бағытта жұмыстар жалғасып, жергілікті атқарушы органдардың тұрақты бақылауында болады.
Облыс әкімі оқу жылы басталғанға дейін балалардың қауіпсіздігін қамтамасыз ету үшін мектептерді тиісті жабдықтармен жарақтандыруды тапсырды.
Оқу орындары турникеттер, дабыл түймелері, бейнебақылау камералары, оқушылар арасындағы құқық бұзушылықтар мен қақтығыстарға жол бермейтін қауіпсіздік жүйелерімен қамтылады.