Павлодарда жеті шенеунік сыбайлас жемқорлық жасағаны белгілі болды
2022 жылы Павлодар облысының сыбайлас жемқорлыққа қарсы қызметі сыбайлас жемқорлық жасағаны үшін жеті лауазымды тұлғаны әкімшілік жауапкершілікке тартты, – деп хабарлайды Basnews.kz тілшісі.
Оның үшеуі-кәсіпкерлік қызметпен заңсыз айналысқаны үшін, екеуі – бұрын сыбайлас жемқорлық қылмыс жасаған адамдарды жұмысқа қабылдағаны үшін, тағы екеуі – сыбайлас жемқорлыққа қарсы іс-қимыл бойынша шаралар қабылдамағаны үшін.
Осылайша, Успен ауданының жұмыспен қамту бөлімінің басшысы қол астындағыларға табыс туралы декларацияны ұсыну бойынша шаралар қабылдамағаны үшін әкімшілік жауапкершілікке тартылды.
Сондай-ақ Мемлекеттік сатып алу бойынша тендерлерге заңсыз қатысқаны үшін Екібастұз қаласы әкімдігінің бюджеттік ұйымдарының бірінің басшысы жазаланды.
Осындай құқық бұзушылық жасаған тағы екі мемлекеттік қызметкер әкімшілік жауапкершілікке тартылды.
Төленген айыппұлдардың жалпы сомасы 1 745 910 теңгені құрады.
