Манкенттіктер аудан әкіміне ризашылықтарын жеткізді
![](https://degeneken.kz/wp-content/uploads/2022/08/WhatsApp-Image-2022-08-03-at-17.29.27-1-780x470.jpeg)
Аудан әкімі Ұ.Сәдібеков Манкент ауылдық округіндегі бірнеше нысандарды аралап, тұрғындармен кездесті.
Аралау барысында тұрғындарды электр жарығы мен инфрақұрылым жүйелерімен қамту, сонымен қатар жолдарды күрделі және орта жөндеу жұмыстарымен танысты.
Жаңа-Шахар көшесінде трансформатор орнатуға 3526,5 мың теңге қаржы қаралып, мердігер мекеме «ЮжКазСпецПроект» ЖШС-і тарапынан орнату жұмыстары атқарылды. Қуаты 250 кВт. Көше бойына 5 дана электр бағаналары орнатылған.
Жұмысы 2022 жылдың 7 маусымында басталып, 21 маусымында аяқталған. Бүгінгі таңда 220 ауладағы үй тұрғындарына электр жарығы жеткізілуде.
Аталған көшеің жолы орта жөндеуден өтті. Тапсырыс беруші – аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімі. Жөндеу жұмыстарына 24 млн. теңге қаражат жұмсалған. Мердігер «Теміртас» ЖШС-і биыл мамыр айында бастап, 15 күн ішінде жұмысын аяқтап, халықтың игілігіне тапсырды. Орта жөндеуден өткен жолдың ұзындығы 1,2 шақырымды құрайды.
Әбдіқадіров көшесінде жер көлемі 9 гектар аумақты құрайтын Жаңақұрылыс аумағына инфрақұрылым жүйелері бойынша жұмыстар жүргізілуде. Құрылыс жұмыстары 2020 жылы басталған. Аумаққа 4 дана 160 кВт КТП орнатылған. Осы жұмыстармен қатар, 4,8 шақырымға электр және газ жүйелері тартылған. Бүгінгі таңда аумақтағы көшелердің жолдары күрделі жөндеуден өтуде, сондай-ақ жолаяқтары аяқталу үстінде. 2022 жылдың қыркүйек айында құрылыс жұмыстары аяқталған соң, пайдаланысқа тапсыру жоспарлануда. Осы аумақта 68 үй орналасқан.
Аралау соңында ақсақалдар аудан әкіміне өз батасын беріп, ризашылықтарын жеткізді.