УЕФА Конференциялар лигасы: «Қызыл-Жар» АПОЭЛ-мен тең түсіп, келесі кезеңге өте алмады

Астана-Аренада өткен УЕФА-2022/23 Конференциялар лигасының үшінші іріктеу кезеңінің қарымта матчында «Қызыл-Жар» командасы кипрлық АПОЭЛ-мен тең түсті, деп хабарлайды degeneken.kz

Елордада өткен қарымта ойын 0:0 есебімен аяқталды. Өкінішке қарай, тең есеп петропавлдықтарға мүмкіндік бере алмады. Себебі Никосияда өткен алғашқы ойында кипрліктер 1:0 есебімен жеңген болатын.

Осылайша, екі матч қорытындысы бойынша жеңіске жеткен АПОЭЛ Конференциялар лигасының плэй-офф кезеңіне жолдама алды.