БастыЖаңалықтар
Күн райына байланысты Қазақстанның үш облысында жол жабылды
Екпінді жел мен қатты жаңбыр салдарынан еліміздің үш өңіріндегі 8 жол учаскесінде жол қозғалысына шектеу енгізілді, деп хабарлайды degeneken.kz.
Бұл жөнінде 2023 жылғы 22 қараша күні “ҚазАвтоЖол” АҚ баспасөз қызметі ескертті.
Сонымен мына учаскелерде жол қозғалысы шектеледі:
Ақмола облысында:
- “Қостанай-Әулиекөл-Сұрған” күре жолының Қостанай облысының шекарасынан Сұрған ауылына дейін;
- “Жақсы-Есіл-Бұзылық” жолының Жақсы ауылы мен Бұзылық ауылы арасы;
- “Жезқазған-Петропавл” күре жолының СҚО шекарасынан Қостанай облысының шекарасына дейін;
- “Екатеринбург-Алматы” тасжолының СҚО шекарасынан Атбасар қаласына дейінгі аралығы
Солтүстік Қазақстан облысында:
- “Жезқазған-Петропавл” күре жолының Ақмола облысының шекарасынан Дружбинское ауылына дейін;
- “Екатеринбург-Алматы” күре жолының Чистополье ауылынан Ақмола облысының шекарасына дейінгі аралық;
Қостанай облысында:
- “Қостанай-Әулиекөл-Сұрған” күре жолының Әулиекөл ауылынан Ақмола облысының шекарасына дейін;
- “Жезқазған-Петропавл” тасжолының Арқалық қаласы мен Ақмола облысының шекарасына дейінгі аралығында.
Ведомство күтіп-ұстау жұмыстарына 170 бірлік арнайы техника мен 240 маман жұмылдырылғанын мәлімдеді.
