Түркістан облысында “Түнгі қаладағы балалар” іс-шарасы жалғасуда
Түркістан облысында полиция қызметкерлері кәмелетке толмағандар арасындағы құқық бұзушылықтардың алдын алуға, түнгі уақытта көшелерде немесе ойын-сауық орындарында ата-аналарының қарауынсыз жүрген жасөспірімдерді анықтауға бағытталған “Түнгі қаладағы балалар” жедел-профилактикалық іс-шарасын өткізуде.
Полицейлер қоғамдық көмекшілермен бірге саябақтарды, скверлерді, компьютерлік клубтарды, қараусыз қалған ғимараттарды, ойын-сауық орталықтарын және кәмелетке толмағандар баруы мүмкін басқа да орындарды тексеруде. Рейд барысында құқық бұзушылық жасаған жасөспірімдер анықталып, полицияға жеткізілді. Ал олардың ата-аналары әкімшілік жауапкершілікке тартылды.
“Мәселен Түркістан қаласында кәмелетке толмағандардың түнгі уақытта заңды өкілдерінсіз үйден тыс жерде болуының 30-ға жуық фактісі анықталды. Жасөспірімдердің ата-аналарына қатысты әкімшілік хаттамалар толтырылып, ескертулер жасалды. Сондай-ақ тұрғылықты жері бойынша профилактикалық есепте тұрған 20-ға жуық кәмелетке толмаған мен 10 қолайсыз отбасы тексерілді. Олармен түсіндіру жұмыстары жүргізілді. Аталған іс – шара алдағы уақытта да жалғасады”, – деп атап өтті Түркістан облысы ПД Жергілікті полиция қызметі басқармасы бастығының орынбасары Ерлан Асқаров.
Айта кетсек, тәртіп сақшылары кәмелетке толмағандар мен жасөспірімдер арасындағы құқық бұзушылықтардың алдын алу шараларын тұрақты түрде жүргізеді. Ата-аналарға балаларының тәрбиесі мен қауіпсіздігіне
Онымен қатар, жастарға алкоголь және темекінің зияны жайлы айтылды.
Адамдар алкогольдік немесе есірткілік мас күйінде болған кезде, олардың сана-сезімі мен іс-әрекеттері бақылаудан шығып, жауапкершіліктерін ұмытып кетеді. Бұл жағдайларда қылмыс жасау ықтималдығы айтарлықтай артады. Мас күйінде адамдар агрессияны, зорлық-зомбылықты, ұрлықты немесе басқа да қауіпті әрекеттерді жасай алады.
Алкоголь немесе есірткі әсерінен адамдардың психикалық және эмоционалдық жағдайы өзгеріп, олардың ойлау қабілеті нашарлайды. Бұл олардың дұрыс шешім қабылдауына кедергі келтіреді және нәтижесінде олар өз іс-әрекеттерінің салдарын толықтай түсінбеуі мүмкін. Бұндай жағдайда қылмыс жасау қаупі жоғары болады.
Сондықтан қоғамда алкогольдік және есірткілік мас күйінде қылмыс жасауды алдын алу үшін арнайы шаралар қабылдау қажет. Бұл шаралар қоғамның қауіпсіздігін қамтамасыз етуге, адамдарды дұрыс өмір салтын ұстануға ынталандыруға және қылмыстық әрекеттердің алдын алуға бағытталуы тиіс.
