Отбасы құндылығы дөңгелек үстелде насихатталды
Қыркүйек айының екінші жексенбісі елімізде «Отбасы күні» ретінде атап өтіледі. Осы мерекеге орай Түркістан облысы Полиция департаментінің қызметкерлері “Қамқорлық” отбасын қолдау орталығымен бірлесіп жиын өткізді. Бұл кездесу отбасылық құндылықтарды насихаттау, жанұя тыныштығы мен әл-ауқатын қамтамасыз етуге ықпал ететін шараларды талқылауға бағытталды.
Кездесу дөңгелек үстел форматында өтіп, “Мықты отбасы – мықты мемлекеттің кепілі” тақырыбында жалғасты. Бұл жиынға отбасылық қолдау орталығының өкілдері, учаскелік инспекторлар және басқа да мүдделі органдар қатысты.
Күн тәртібінде қиын өмірлік жағдайларға тап болған отбасылармен жұмыс істеу, ана мен бала құқықтарын қорғау, сондай-ақ болашақта мұндай жағдайларға жол бермеу шараларына ерекше назар аударылды. Сонымен қатар, жас отбасылардың нығаюы мен сақталуының маңыздылығы талқыланды.
Ақсақалдардың жас ұрпақты тәрбиелеудегі маңызы ерекше атап өтілді. Қоғам ұрпақтар арасындағы сабақтастықты нығайту үшін осы бағытта бірлесіп жұмыс жасауға уағдаласты.
Полиция қызметкерлері жиын барысында алкогольдің адам ағзасына зияны туралы да ақпарат берді. Олар алкогольдік масаң күйде қандай құқық бұзушылықтар болуы мүмкін екендігі туралы айтып, қатысушыларды сақтандыруға тырысты.
Бұл іс-шара отбасылық құндылықтарды нығайтуға және қоғамдағы тұрақтылықты қамтамасыз етуге бағытталған маңызды қадам болды. Түркістан облысының тұрғындары осындай жиындардың маңыздылығын түсініп, отбасылық құндылықтарды сақтау мен нығайту жолында бірлесіп жұмыс жасауға ниет білдірді.
