Полиция салауатты өмір салтын насихаттайды
Жетісай ауданы полиция бөлімінің ұйымдастыруымен учаскелік полиция инспекторларының құрылғанына 101 жыл және қызмет барысында ерлікпен қаза тапқан ІІО қызметкерлерінің құрметіне арналған футболдан жарыс өтті.
Салауатты өмір салтын насихаттауға арналған бұл шара полиция қызметкерлерінің оң имиджін нығайту мен қызметкерлер арасында спортты, оның ішінде шағын футболды кеңінен насихаттау мақсатында ұйымдастырылды.
Сайысқа бес команда қатысып, өзара бақ сынасты. Спорттық жарыстар барысында Жетісай аудандық учаскелік полиция инспекторлары командасы І орынды, кәмелетке толмаған істер жөніндегі полиция инспекторлары командасы ІІ орынды, ал тергеу бөлімшесі, анықтау бөлімшесі және криминалдық полиция бөлімінің қызметкерлері ІІІ орынды жеңіп алды.
Полицейлердің спортқа деген қызығушылығын арттыруға арналған мұндай шаралар алдағы уақытта да жалғасын табатын болады.
Сонымен қатар, полиция қызметкерлері алкогольдің адам ағзасына зияны және алкогольдік масаң күйде қандай құқық бұзушылықтар болуы мүмкін екендігі туралы да ақпарат берді.
Бұл шара салауатты өмір салтын қалыптастыру, командалық рухты нығайту және полиция қызметкерлері арасында спорттық мәдениетті арттыруға бағытталған маңызды бастама болып табылады.
