Қазақстандық Анна Данилина ITF Women халықаралық жарыстарындаңы өз мансабында 25-ші атағын олжалады. Ол жұптық сында Биаррице (Франция) W60 турнирінің чемпионы атанды, деп хабарлайды degeneken.kz
Жарыстың бірінші ракеткалары болып тіркелген Анна Данилина мен украиналық Валерия Страхова финалда аргентиналық Мария Лурдес Карле – ресейлік Мария Тимофеевамен бас жүлдені сарапқа салды.
Бірінші партияда аргентиналық-ресейлік жұп басымдылық көрсетті. Есеп – 6:2.
Екіншісінде Данилина мен Страхова есе қайырды. Есеп – 6:3.
Одан кейін супер тай-брейкте Данилинаның жұбы жеңісті жұлып алды. Есеп – 14:12.
Жүлде қоры 60 мың доллар болатын бұл тартысты турнир 1,5 жарым сағатқа созылды.
