(Қазақша) Елімізде барлық бастауыш сыныптарды тегін тамақпен қамтамасыз ету жоспарланып отыр

Извините, этот текст доступен только на “Қазақша”.

Еліміздегі барлық мектептерде бастауыш сынып оқушыларына тегін ыстық тамақ беріледі. Бұл туралы Оқу-ағарту министрі Ғани Бейсембаев мәлімдеді.

«Президенттің 1-4 сынып оқушыларын тегін тамақпен қамтамасыз етуге қатысты тапсырмасын орындау мәселесі Үкімет деңгейінде бірнеше рет қаралды. Бүгінгі күні осы тапсырманы орындау үшін барлық өңірлердің әкімдіктері тарапынан қажетті қаржы бөлінді. 1 қыркүйектен бастап 1 млн 400 мың бастауыш сынып оқушысы тегін тамақтанады. Асханасы жоқ мектептерде Денсаулық сақтау министрлігімен бірлесіп тамақтандыру 3 тәсілімен ұйымдастырылатын болады: кейтеринг қызметін ұйымдастыру, модулді асханаларды құру, буфеттік тамақтану», — деді министр.