ТҮРКІСТАН: ІТ ТЕХНОЛОГИЯ — БАРЛЫҚ САЛАДА
Қазіргі таңда ақпараттық модельдеу технологиялары құрылыс объектілерін онлайн-форматта модельдеуге мүмкіндік береді.
Осылайша, мемлекеттік банк платформасында тапсырыс берушілер құрылыс жобасының басқа қатысушыларымен өзара байланыс орната отырып, құрылысқа дайындық үшін қажет сатылардан онлайн режимде өте алады.
Айта кетерлігі, ақпараттық модельдер банкін «Е-Құрылыс» және «Е-Шаңырақ» платформаларымен интеграциялау жоспарланып отыр. Естеріңізге сала кетейік, «Е-Құрылыс» жүйесі құрылыс процестерін барлық кезеңдерде онлайн-режимде бақылауға мүмкіндік береді. Ал, «Е-Шаңырақ» платформасы тұрғын үй қорын басқарудың ашықтығын қамтамасыз етіп, құрылыс саласында мониторинг пен талдау жасайтын субъектілердің бірыңғай жүйесі болып табылады.
Көзделіп отырған жаңа IT-шешім құрылыс жұмыстарын жобалау барысында электрондық құжат айналымына көшуге мүмкіндік береді. Сәйкесінше, жобалық-сметалық құжаттаманы әзірлеу процесінде барынша ашықтықты қамтамасыз етеді.
Бүгінгі таңда мемлекеттік банк сараптамалық қызмет үшін интеграциялық сервистер мен жүйенің жаңа модульдерін әзірлеудің белсенді кезеңінде. Жобаға қатысушылар салалық бизнес-процестерді, сонымен бірге техникалық талаптарды дайындау үшін деректердің құрылымын талдау жұмыстарына жұмылдырылған.
Қазақстанда құрылыс қарқынды жүріп жатыр. Осы салада 47 мыңға жуық кәсіпорын жұмыс істейді. 2025 жылға дейін елімізде 103 миллион шаршы метр тұрғын үй салу жоспарланған. Бірақ, баспана мен материалдардың құны қымбаттап келеді. Бағаның өсуін тежеу үшін құрылыс саласын цифрландыру көзделген.
Үкімет басшысы осы бағыттағы жұмысты белсенді түрді жалғастыруды қажеттілігін айтып, 1 ай ішінде құрылыс индустриясындағы жаңа жобалардың жол картасын әзірлеуді тапсырды.
Елімізің нарығын отандық құрылыс материалдарымен қамтамасыз ету үшін 2025 жылға дейін 165 жаңа жобаны жүзеге асыру көзделген. Олардың жалпы құны 1 триллион теңгеден асады. Жаңа өндіріс орындары ашылып, ойдағыдай жұмыс істеп кетсе құрылыс индустриясында импортқа деген тәуелділік алдағы 3-4 жылда 42-ден 27 пайызға дейін төмендеуі тиіс.
