ҚМА есірткі сатқан 100 адамның ұсталғаны туралы хабарлады
Есірткіні Telegram арқылы сатып, миллиардтаған ақша тапқандар ұсталды, – деп хабарлайды degeneken.kz.
ҚМА 50 мыңнан астам адамды тарта отырып, есірткі сату жөніндегі 55 telegram-арнаның заңсыз қызметін тоқтатты. Олардың жалпы айналымы 48 млрд теңге.
“Жыл басынан бері ҚМА материалдары бойынша елдің құқық қорғау органдарымен (ЭТТҚ, ҰҚК, БП, ІІМ) есірткінің заңсыз айналымына байланысты 60 қылмыстық іс қозғалды, оның жартысы контрабанда фактілері. Онлайн наркошоптарға қатысты тағы 29 материал бойынша тексеру іс-шаралары жүргізіліп жатыр. 100-ден астам адам, оның ішінде ҰҚТ 12 мүшесі ұсталды.
Айналымнан шамамен 100 кг ауыр есірткі – кокаин, кетамин, мефедрон және марихуана, сондай-ақ оларды жасау үшін 1 тоннадан астам прекурсорлар тәркіленді. Қылмыстардың әлеуетті қатысушылары болып табылатын 30 мыңға жуық “дроптардың” банктік карталары бұғатталған”, – делінген хабарламада.
Ведомство мәліметінше, Шымкентте Қазақстандағы ең ірі мефедрон өндіру және тарату арнасы тоқтатылды. Есірткі лабораториясы құрылып, онда синтетикалық есірткі өндіруге арналған 1 тоннадан астам қышқыл тәркіленді. Оның өндірістік қуаты ай сайын 50 мың доза есірткі өндіруге мүмкіндік берді.
