(Қазақша) Жолдау – дамудың жаңаша жолы
Извините, этот текст доступен только на “Қазақша”.
Қазақстан Республикасы Президентінің жыл сайынғы Жолдауы – ел дамуының стратегиялық бағытын айқындайтын, мемлекет пен қоғам арасындағы диалогтың ең маңызды тетігі. Жолдау – бұл халыққа арналған үндеу ғана емес, елдің экономикалық, әлеуметтік, саяси және мәдени өмірінің барлық саласын қамтитын кешенді бағдарлама. Онда Мемлекет басшысы еліміздің дамуындағы басты басымдықтарды белгілеп, қоғам алдында тұрған өзекті мәселелерге нақты шешімдер ұсынады.
Жыл сайынғы Жолдау арқылы Президент мемлекет пен азамат арасындағы сенім көпірін нығайтады. Бұл – қоғамның пікірін ескеріп, елдің болашағын бірлесе қалыптастырудың заманауи үлгісі. Әрбір Жолдау жаңа міндеттер жүктеп қана қоймай, ел дамуының жаңа кезеңіне жол ашады. Себебі ондағы әрбір бастама – халықтың тұрмыс сапасын арттыруға, әділетті қоғам орнатуға және ұлттық экономиканы тұрақты дамытуға бағытталған нақты іс-шаралар жүйесі.
Соңғы жылдары Мемлекет басшысы Қасым-Жомарт Тоқаевтың Жолдаулары жаңа технологиялар мен цифрлық даму бағытына ерекше назар аударып келеді. Өйткені ХХІ ғасыр – ақпарат пен инновация ғасыры. Цифрландыру – елдің бәсекеге қабілеттілігін арттырудың, экономикалық өсімді қамтамасыз етудің және мемлекеттік басқаруды тиімді етудің басты құралы.
Бүгінде Қазақстанда цифрлық экожүйе қалыптасып келеді. Электронды үкімет, «е-Otinish» және «Smart City» жүйелері, онлайн білім беру мен денсаулық сақтау платформалары – осы бағыттағы нақты жетістіктер. Бұл бастамалар қоғам өмірін жеңілдетіп, мемлекеттік қызметтерді ашық әрі қолжетімді етуге жол ашты. Ал жасанды интеллекттің (AI) дамуы – осы цифрлық трансформацияның келесі сатысы.
Жасанды интеллект бүгінде әлемдік дамудың өзегіне айналды. Ол өндірістен бастап медицинаға, білімнен бастап басқару ісіне дейін барлық салаға еніп келеді. Қазақстан да бұл үрдістен шет қалмай, мемлекеттік бағдарламалар мен жеке сектор жобалары арқылы интеллектуалды технологияларды белсенді енгізуде. Президент атап өткендей, цифрландыру тек IT саласын емес, бүкіл экономиканы жаңғыртуға бағытталған.
Бүгінгі таңда жаңа технологияларды, соның ішінде жасанды интеллектті дамыту – еліміздің жаһандық бәсекеге қабілеттілігін арттыруда маңызды рөл атқарады. Осы тұрғыда «Ауыл» партиясының белсенді қолдауымен, Қазақмыс корпорациясы ардагерлерінің бастамасы және партия басшысы Абзал Жиенбаев Бақытұлының жетекшілігімен Chat GPT сынды заманауи бағдарламалар қолданысқа енгізілуде. Өзім бұрыннан пайдаланып жүрген ContraCam бағдарламасымен қатар, бұл құралдар күнделікті жұмысымызды жеңілдетіп, тиімді шешімдер қабылдауға себеп болып отыр.
Мұндай бастамалар – елдің болашағына салынған инвестиция. Жасанды интеллект пен цифрлық технологияларды кеңінен енгізу білім сапасын арттыруға, мемлекеттік қызметтің тиімділігін жоғарылатуға және өндірістегі өнімділікті күшейтуге зор мүмкіндік береді. Бұл – қазақстандық қоғамды жаңа сапалық деңгейге көтеретін стратегиялық бағыт.
Қорытындылай келе, Президент Жолдауы – бұл құр сөз емес, нақты іс-қимыл бағдарламасы. Ол – еліміздің дамуына тың серпін беретін, болашаққа сеніммен қадам басуға мүмкіндік жасайтын маңызды құжат. Сондықтан әрбір азамат Жолдаудың мәнін терең түсініп, оның жүзеге асуына өз үлесін қосуы – ел алдындағы жауапкершіліктің бір көрінісі.
Сәтбаев қаласы мәслихатының депутаты,
Қазақмыс корпорациясы жанындағы
Ардагерлер кеңесінің
Сәтбаев филиалының басшысы
Мулаков Абулаис Түсіпбек
