ПРЕЗИДЕНТ ӨЗ САЯСАТЫН МЕМЛЕКЕТШІЛДІК ҚАҒИДАТЫНА НЕГІЗДЕДІ

Мемлекет басшысы Қасым-Жомарт Тоқаевтың: «Сіз кімсіз?» деген сипаттағы сауалға қысқаша ғана “Мен – мемлекетшіл адаммын” деп жауап берейін деген пікірі оның басқару философиясы мен өмірлік ұстанымын айқын аңғартады.

Президент үшін мемлекетшілдік — жеке мүддеден биік тұратын, ел болашағына жауапкершілікпен қарауды талап ететін қасиет. Бұл ұстаным қабылданатын әрбір шешімде, жүргізіліп жатқан реформаларда және мемлекеттік саясаттың барлық бағытында көрініс табуда. Мемлекетшіл басшы үшін басты мақсат — халықтың әл-ауқатын арттыру, елдің тұрақты дамуын қамтамасыз ету және ұлттық мүддені қорғау.

Соңғы жылдары Қазақстанда жүзеге асырылып жатқан саяси және әлеуметтік-экономикалық өзгерістер дәл осы мемлекетшілдік қағидатына негізделген. Әділетті қоғам құру, заң үстемдігін қамтамасыз ету, ашықтық пен есептілікті арттыру — осының барлығы мемлекет пен қоғам арасындағы сенімді нығайтуға бағытталған.

Сарапшылардың пікірінше, мемлекетшіл көзқарас ел басқаруда жүйелілік пен сабақтастықты сақтауға мүмкіндік береді. Бұл тәсіл ішкі тұрақтылықты күшейтіп қана қоймай, Қазақстанның халықаралық аренадағы беделін арттыруға да ықпал етеді.

Мемлекет басшысы атап өткендей, мемлекетшілдік — лауазым емес, елге адал қызмет етудің айқын көрінісі. Бұл қағида алдағы кезеңде де Қазақстанның даму жолындағы басты бағдар болып қала бермек.

5 қаңтар, «Turkistan» газетіне берген сұхбатынан